Er búið að lofa allri orkunni í álver?

Það er löngu tímabært að við fáum upp á yfirborðið heildarmynd áforma stóriðjufyrirtækja, orkufyrirtækja og orkuflutningafyrirtækja hér á landi. Hvaða orka er til ráðstöfunar og í hvað?

Fregnir herma að stórfyrirtæki á borð við Yahoo, Microsoft o.fl. hafi verið að skoða þann möguleika  að koma  upp hýsingamiðstöðvum (datacenters)  hér á landi - en viðræður strandað m.a. á því að orkufyrirtækin hafa ekki getað gefið þeim skýr svör um útvegun orku.  Er það auðvitað mjög sérstakt - þar sem þessi fyrirtæki þurfi mun minni orku ca. 10 - 50 MW pr. starfsstöð en 250 þúsund tonna álver  sem þarf virkjun með  500 MW uppsettu afli.

Hýsingamiðstöðvar þurfa jafnframt helmingi fleirri starfsmenn pr. megavatt og eru störfin betur launuð en störf í álverum.  Efnahagsleg áhrif í samfélaginu ættu því að vera hlutfallslega mun meiri af hýsingarmiðstöðvum en af álverum miðað við orkuþörfina.  

Er ekki umhugsunarvert að staldra við og upplýsa almenning um valkosti sína?

Skora á umhverfisráðherra að kynna stóriðjuáform á suður- og suðvesturlandi

Athugasemdir

[Gunnar Th. Gunnarsson, 5.6.2007 kl. 17:12]

Hvaðan hefurðu þær fregnir að viðræður hafi strandað út af orkumálum gagnvart microsoft og yahoo? Er þetta ekki bara enn einn spuninn frá VG?

[Ævar Rafn Kjartansson, 5.6.2007 kl. 20:25]

Elsku Gunnar  - er allt sprottið frá VG? það er sama hvar þú berð niður þetta er allt andskotans kommarnir. 

LV allavega hefur ekki gefið neinum vilyrði fyrir orku meðan Alcan er enn að hugsa hvernig þeir eiga að snúa á hafnfirðinga eða þjóðina í heild. 

[Tryggvi L. Skjaldarson (IP-tala skráð) 5.6.2007 kl. 21:15]

Starfsemi sem kallar á mikla orkunotkun er forsenda virkjunar vatnsafls og gufu.  Orka og stóriðja eiga einfaldlega samleið.  Að hýsa gögn fyrir Microsoft, Yahoo eða Goggle hefur lítið með orkuframleiðslu að gera og  kemur ekki í staðinn fyrir stóriðju. 

Kosningin í Hafnarfirði um álverið er kapituli útaf fyrir sig.  Það er að renna upp fyrir fólki í Hafnarfirði, sem fagnaði úrslitunum, að ef heldur sem horfir, var það sennilega að slátra bestu mjólkurkunni sinni.