Dagur án símans?

Ég er orðin hundleið á endalausum smádúsum sem hin ýmsu fyrtæki bjóða þjóðinni  í auglýsingaskyni. Dúsa dagsins er "frítt" í sund í boði Símans.  Ætli margir gætu ekki bara borgað sjálfir í sund og fengið sér pulsu og kók á eftir  ef þeir notuðu ekki símann í einn  dag -slík er verðlagningin á þjónustunni.

Má ég þá frekar biðja um lægra verð og borga mínar sundferðir sjálf!

Frítt í sund í dag

Athugasemdir

[Ingólfur Ásgeir Jóhannesson, 9.6.2007 kl. 18:04]

Alveg rétt ábending - vil miklu frekar lægri símagjöld. Ætli þetta sé markaðssetning á síma sem hægt er að nota í miðjum sundspretti?!

[María Kristjánsdóttir, 10.6.2007 kl. 00:56]

Já, þetta er góð ábending. Og maður spyr sig, hvað kostar allt þetta áreiti sem maður verður fyrir hvern einasta dag að hálfu þessara fyrirtækja, bara auglýsingarnar! En eiginlega þarf maður ekki að spyrja, maður sér það svo alltof vel til dæmis með símann einsog þú bendir á.  Mér finnst það alltaf jafn ótrúlegt hversu margar vinnustundir þarf að inna af hendi til að borga símreikningana.

[Einar Ólafsson, 10.6.2007 kl. 20:29]

Mikið lifandis skelfing er ég hjartanlega sammála. Ég skil heldur ekki alveg þá sem vilja lægri skatta en segja ekkert við því að borga gegnum verðlagið  allskyns styrki sem stjórnendum fyrirtækjanna þóknast að veita, m.a. til opinberra stofnana. Ég hef stundum á tilfinningunni að það sé búið að einkavæða bæði gjaldheimtuna og fjárveitingarvaldið.