Einkamál Flóamanna?

Umræðan um virkjanir, álver og skoðun manna á þeim er orðin all undarleg. Þeir einir mega tjá sig um málin,  að sumra mati,   eru þeir sem búa á staðnum og eru ekki of gamlir - aðrir eru gerðir að einhverjum "sinnum" og tortryggilegum "atvinnumótmælendum" . Líkt og um fótboltabullur væri að ræða - sem hafa fótboltann ekki sem aðaláhugamál heldur ofbeldi. 

Ekki veit ég til þess að fólki  sé ætlaðar einhverjar annarlegar hvatir sem fara til Afríku í opinbera heimsókn - eða til Grænlands og greina frá áhyggjum sínum af bráðnun Grænlandsjökuls. Íslendingar sem fara í næstu sveit eru - já hvað?

Staðreyndin er  sú að hvorki er hægt að stynga stækkuðu álveri í Straumsvík í samband á skrifstofu Lúðvíks bæjarstjóra í Hafnarfirðu eða nýju álveri í Helguvík hjá Árna í Reykjanesbæ - það þarf að virkja til að þau verði að raunveruleika.

Við erum í hópi ríkustu þjóða í heimi - það er ekkert sem kallar á að Þjórsá verði að virkja - annað en hagnaðarvon erlendra álversfyrirtækja.   Ég leyfi mér að tjá mig áfram um málið!

Athugasemdir

[Predikarinn - Cacoethes scribendi , 2.7.2007 kl. 10:36]

Það sem verra er : við erum í þessu öllu að niðurgreiða raforku til stóriðju með því að heimilin borga mun hærra en þörf krefði ef stóriðja yrði látin greiða verð til orkuversins sem stæði undir virkjunarkostnaðinum. Þess í stað erum við smælingjarnir látnir borga brúsann í gegn um mælana okkar.

[svarta, 2.7.2007 kl. 14:49]

ég er svo vitlaus að ég hélt að ég væri að fara lesa einhverskonar slúður pistil einkamál flóamanna. eins og hver væri skotinn í hverjum og þess háttar. eina leið mín fram hjá virkjunarsinna-ruslpóstvarnar-reiknisdæmunum var að stofna blogg. blogg sem verður ekkert skrifað á. nema þá kannski helst um virkjunarmál.

[Valgerður Halldórsdóttir, 2.7.2007 kl. 16:07]

Hæ hæ! Kraftur í þér - mætti virkja þig eitthvað meira í umræðu um virkjanir