Hver er stóriðjustefna fyrirtækisins?

Nú virðist einkavæðavæðingastefna orkufyrirtækja vera næstum orðin að raunveruleika. Eignarhald og ráðstöfun á náttúruauðlindum okkar verður ekki lengur í höndum almennings sem getur kosið á 4 ára fresti og haft sína skoðun á þróun mála - ef af samningum verður.   Kvótakerfið sá um fiskinn.

Nei nú heitir þetta samningar á milli fyrirtækja sem okkur kemur bara ekki neitt við!  Hvort heldur sem það á að selja Urriðafoss álfyrirtækjum fyrir gemsasamband og malbik eða orkuna frá HS.  Þetta er " bissness" - og hallærisleg "tilfinningarök" almennings eiga ekki við!

Eignar- og valdatilfærsla frá íslenskum almenningi til einkafyrirtækja virðist vera stefna hjá stórum hluta íslenskra stjórnmálamanna.  Ætli þeir hafi spurt um hverjum fyrirtækið hyggst selja orkuna -hvað verður um hagsmuni almennings? 

"Geysir mun áfram vinna af fullum heilindum að sínum viðskiptum. Hitaveita Suðurnesja er mikilvægt og gott fyrirtæki sem ber að efla með hagsmuni hluthafa og viðskiptavina í fyrirrúmi"

Geysir Green Energy skapar atvinnutækifæri

Athugasemdir

[Fannar frá Rifi, 3.7.2007 kl. 10:38]

Já hver man ekki eftir þeim gömlu góðu dögum þegar bæjarútgerðir störfuðu á Íslandi. Þær voru sko málið. 

Síðan hvað það var gott að hafa ríkisbanka sem reknir voru með tapi og almenningur missti allt sitt fé á því að spara.

Já í þá gömlu góðu daga þegar alvitrir flokksforingjar sýsluðu með eigur ríkissins og þurftu ekki að svara fyrir neitt og voru ábyrgðarlausir.