Álver í Helguvík ekki raunhæfur kostur!

"Ef marka má orð Þórðar Guðmundssonar, framkvæmdastjóra Landsnets, virðist álver í Helguvík þar með ekki raunhæfur kostur"

Já,  staðreyndin er  sú að  ekki er hægt að stynga  nýju álveri í Helguvík  í samband hjá Árna í Reykjanesbæ - það þarf að virkja til að það verði að raunveruleika.

Við erum í hópi ríkustu þjóða í heimi og skortur er  á vinnuafli - það er ekkert sem kallar á að Þjórsá verði að virkja eða á háspennulínur  um allan Reykjanesskaga - annað en hagnaðarvon álversfyrirtækja. 

 

 

 

 

 

Hafna hugmyndum um lagningu háspennulína

Athugasemdir

[Loftur Altice Þorsteinsson, 14.9.2007 kl. 11:12]

Ekki svona svartsýn Valgerður !

Vinnuaflsskortinn leysum við með uppsögnum starfsfólks við svonefnda "samfélags-þjónustu". Allt of margir eru komnir á "samfélags-jötuna" og við verðum ekki lengi "í hópi ríkustu þjóða í heimi", ef við höldum áfram að gefa jafn rausnarlega á garðann.

Ef þú hefðir lesið alla fréttina í Mbl. hefðir þú séð, að skipulags og bygginganefnd Grindavíkur samþykkti "háspennulínur meðfram þeim línum sem fyrir eru í sveitarfélaginu." Þær línur sem nefndin hafnaði virðast liggja til Hafnarfjarðar !

[Valgerður Halldórsdóttir, 14.9.2007 kl. 11:45]

Komdu sæll Loftur!

Ég átta mig nú ekki alveg á hvaða ávinning við höfum af því að segja fólki upp sem starfar við samfélagsþjónustu, en það er nú aukaatriði. Hvaða "rausnaskap" þú átt við er mér hulið.   Hinsvegar las ég fréttina og líka um afstöðu annarra sveitarfélag á svæðinu - miðað við þá stöðu virðist álverið ekki vera raunhæfur valkostur.  Ágætar upplýsingar  á vef Landverndar!

[Ævar Rafn Kjartansson, 16.9.2007 kl. 13:24]

Forsendur álvers í Helguvík brostnar?

[Steingerður Steinarsdóttir, 18.9.2007 kl. 16:55]

Vonandi verða ekki fleiri álver byggð hér á landi.