Stjórn jafnaðarmanna er á jólaóskalistanum mínum!

Það er mikil gerjun í íslenskri pólitík og vænta má mikilla breytinga á stefnu og fólki í næstu kosningum -  sem verða vonandi sem fyrst. Ég treysti því miður ekki Sjálfstæðisflokknum  í ríkisstjórn og er það slæmt á tímum sem þessum.  Þeir hafa átt of mikinn þátt í að skapa það ástand sem við búum við í dag - og aðstæður sem ollu hinni séríslensku fjármálakreppu. Traustið er ekkert!

Ég ætla að vona að Samfylkingin og Vinstri grænir beri til þess gæfa að ná saman og mynda hér öfluga stjórn jafnaðarmanna  sem stendur vörð um það velferðarkerfi sem Íslendingar hafa unnið hörðum höndum að koma á.  Ég hef unnið með frábæru fólki úr öllum flokkum, við eigum í grunninn meira sameiginlegt en  það sem greinir okkur að.  Merkja má breytingar hjá hópi fólks innan allra flokka varðandi aðildina að ES -  við færumt sífellt  nær í þeirru umræðu, líklega hraðar en við gerum okkur grein fyrir.

VG halda aukafund

Athugasemdir

[Guðrún Vestfirðingur (IP-tala skráð) 7.12.2008 kl. 11:35]

Get erkki ímyndað mér þá flokka saman í stjórn. Þetta eru svo gjörólík sjónarmið að það hálfa væri nóg 

[Jón Ólafur Vilhjálmsson, 7.12.2008 kl. 11:52]

Það þarf stjórn sem skilur að við lifum á framleiðslu ekki á verðbréfum við verðum að veiða og vinna arðbæra hluti til að geta lifað í þessu landi.

Þeir sem ekki þora sinusinni að veiða Hval sem sannað er að er til nóg að í hafinu ekki verið að tala um ofveiði þeir geta ekki stjórnað landinu því miður að veiða hval er eins og að stunda nautgriparægt.

[Þórdís Bára Hannesdóttir, 7.12.2008 kl. 11:56]

vandamálið er að það er ekki hægt að vinna með Steingfrími J. eða Ögmundi þeir geta ekki samið eða verið diplómatískir en það er nauðsynlegur eiginleiki í flokkasamstarfi.  

[Jón Ingi Cæsarsson, 7.12.2008 kl. 15:49]

Stefna VG er ekki jafnaðarstefna... þetta er socalisk afturhaldsstefna og ekki nokkur leið að vinna Ísland fram veginnn meðan þeir praktisera sem kverúlantaflokkur sem vill öllu loka

[Valgerður Halldórsdóttir, 7.12.2008 kl. 17:00]

Enginn er eilífur og það á líka við um formenn flokka. Hún var áhugaverð hvattning Margrétar Pétursdóttur Vg og verkakonu á Háskólabíói um daginn  - þar sem hún beindi sjónum að hennar eigin flokksforystu og velti því fyrir sér hvort þeir væru líka tilbúnir til að standa upp úr sínum stólum. 

[Guðmundur Auðunsson, 8.12.2008 kl. 17:46]

Þá vitum við það Jón Ingi, þú vilt bara starfa með Sjálfstæðisflokknum. Eða ertu enn spenntari fyrir hinum "firnasterka" Framsóknarflokki. Það eru nokkur eintök eins og þú í Samfylkingunni. Þið teljið Sjálfstæðisflokkinn besta samstarfsaðilann, Davíð þar með (auðvitað) besta seðlabankastjórann, enda hafa sjálfstæðismenn sannað það sl. áratugi hversu afburða stjórnendur þeir eru. Sem betur fer þekki ég marga samfylkingarmenn sem eru þér algjörlega ósammála. Far þú bara með þitt frjálshyggjuhyski úr Samfylkingunni svo jafnaðarmenn í S og V geti tekið saman og bjargað landinu. Ríkisstjórnin er löngu dauð, náfnykinn leggur af henni. Það er bara ein spurning eftir, mun drepið ganga af Samfylkingunni dauðri líka?