Hugmyndasnauð framtíðarsýn

Það er nú oft sagt við fólk sem lendir í persónulegum krísum að það ætti að forðast að taka stórar og afdrifaríkar ákvarðanir þar til hugsun þess skýrist. Ég held að við Íslendingar ættum að staldra við og hugsa örlítið lengra áður en við setjum öll eggin í þessa einu " álkörfu" og alla okkar orku.

Af hverju ætti þetta fyrirtæki að vilja byggja í Helguvík álver á meðan það lokar verksmiðjum nær markaði? Gæti það verið það útsöluverð sem við ætlum að selja okkar dýrmætu orku á? 

Við eigum betra skilið og við getum betur. Þær fréttir berast að í  Iðnaðarráðuneytið sæki framkvæmdaaðilar erlendis frá úr hinum ýmsu greinum sem vilja kaupa orku af okkur en þeir fái engin svör þar sem stefnumótun vanti! Hvernig stendur á þvÍ?

Ég er orðin hundleið á stjórnmálamönnum sem þora ekki að hafa skoðanir af ótta við óvinsældir - og enn meir er ég ósátt við þá sem neita að láta þær uppi "í nafni lýðræðis" - á meðan dinglar þjóðin!

Century Aluminum lokar í BNA

Athugasemdir

[Óskar Helgi Helgason (IP-tala skráð) 11.2.2009 kl. 20:25]

Heil og sæl; Valgerður !

Vel mælt; hjá þér. Sjálfur; hefi ég stungið upp á litlum Kopar og Silfur bræðslum, þó ekki væri nema, að brjóta upp Ál lofrullu umræðuna, þó víðar megi skoða aðra kosti, einnig.

Með beztu kveðjum; úr Árnesþingi /

Óskar Helgi Helgason