Ætlar stjórn Strætó að hlusta á námsmenn?

Það fer sjálfsagt ekki framhjá nokkrum manni vaxandi umferðaþungi á höfuðborgarsvæðinu með tilheyrandi mengun, skorti á bílastæðum og slysahættu. Nú hafa sveitarstjórnarmenn á höfuðborgarsvæðinu gullið umhverfisvænt tækifæri til að bregðast við og sýna hug sinn í verki með því að verða við áskorun námsmanna - og það strax!

 

 

 

Stúdentar vilja fá frítt í strætó

Athugasemdir

[Kristín Dýrfjörð, 7.6.2007 kl. 01:11]

Sæl ég hef sjálf upplifað aukninguna sem varð á Akureyri eftir að ákveðið var að hafa frítt í strætó þar. Áður var ég kannski ein af mjög fáum - og á kvöldin stundum eini kúnninn. En eftir breytinguna er það undantekning og á morgnana er vagninn yfirleitt fullur (minnir mig á þegar við vorum í FB í gamla daga alltaf pikkfullt í strætó). Ég nota strætó mikið fyrir norðan og sé að það sem hefur líka aukist er að fólk er að skreppa styttri vegalengdir með vagninum. Ég vona að höfuðborgarsvæðið taki upp fordæmi Akureyringa og hafi almenningssamgöngur fríar fyrir alla.  Held að það hljóti að vera ódýrar fyrir okkur öll þegar upp er staði.  

[Anna Ólafsdóttir (anno) (IP-tala skráð) 10.6.2007 kl. 17:44]

Ég bý á Akureyri þar sem frítt er í strætó fyrir alla. Það er gríðarlegur munur á notkun á strætó síðan þetta byrjaði, sérstaklega hjá framhaldsskólanemum. Dóttir mín sem aldrei notaði strætó áður notaði hann eftir að það varð frítt, á hverjum degi í og úr skóla. Það fyndna er að það var líklega mest þetta vesen með að þurfa annaðhvort að keyra niður í bæ og kaupa strætókort eða eiga mynt í strætó sem gerði útslagið að hann var ekki notaður! En nú sparast bílferðir tvisvar á dag sem minnkar umferð, útblástur, bensínkostnað o.s.frv.