Hátíðin "Horfnir jöklar" eftir 150 -200 ár?

Æi, ég sé fyrir mér bíómynd sem á að gerast í seinni heimsstyrjöldinni þar sem íbúar á einhverju innrásarsvæði standa fagnandi á gangastéttum með fána í hönd - og erlendir hermenn þramma á götum úti  með sín tæki og tól. 

Auðvitað er það gleðilegt að íbúar á Reyðarfirði  hafi næga atvinnu og haldi hátíð - en á sama tíma afskaplega sorglegt að við höfum þurft að fórna íslenskri náttúru með tilheyrandi lofmengun til að svo megi verða.  

Eigum við ekki að fara undirbúa hátíðina "Horfnir jöklar"? Ný og spennandi svæði - og ég tala nú ekki um tækifærin sem hljóta að koma í ljós!

 

 

Flaggskip Alcoa stefnir hraðbyri í fullan rekstur

Athugasemdir

[Fanney Dóra Sigurjónsdóttir, 8.6.2007 kl. 17:27]

Vafalaust athyglisverð mynd þar á ferð!

Í þessum töluðu ertu væntanlega að fagna því að ég sé að útskrifast. Ég sendi því hugheilar árnaðaróskir yfir landið og vona að gleðin sé við völd :) 

[Ingólfur Ásgeir Jóhannesson, 10.6.2007 kl. 18:16]

Roni Horn er búin að setja bráðinn ís úr 24 ísl. jöklum á safn í Stykkishólmi. Í gær var mér færður bæklingur um Vatnasafnið og sýningarskráin um sýningu hennar í Listasafni Reykjavíkur í Hafnarhúsinu. Roni Horn hefur sérstaka skírskotun til okkar hér í HA því að í aðalbyggingunni okkar í Sólborg er innsetning hennar Some Thames.

[Ingólfur Ásgeir Jóhannesson, 10.6.2007 kl. 18:21]

"lofmengun" - mér finnst þetta afar skemmtilegt, hvort heldur það er ásláttarvilla eða nýyrði. Miklu lofi hefur verið ausið út um álverið - mikil mengun að því öllu saman.