Sól í Flóa - ályktun

SÓL Í FLÓA

Sól á Suðurlandi, Sól í Straum og Sól á Suðurnesjum fagna samþykkt
hreppsnefndar Flóahrepps frá þrettánda júní sl., um að hafa
Urriðafossvirkjun ekki inni á aðalskipulagi sveitarfélagsins. Samþykktin er mikil hvatning til þeirra sem vilja verja náttúruna við Þjórsá og hindra að orka þaðan verði seld til stóriðju.

Sólirnar þrjár telja viðbrögð Landsvirkjunar við ákvörðun hreppsnefndar um
skipulagstillögu án virkjunar ámælisverð. Landsvirkjun gat eins og aðrir
hagsmunaaðilar komið með athugasemdir sínar við auglýsta tillögu
hreppsnefndar og virt um leið lýðræðislegar viðurkenndar aðferðir. Óeðlilegt
er að skipulagstillögurnar séu nú orðnar tvær eftir heimsókn Landsvirkjunar
í Flóann.

Sól á Suðurlandi, Sól í Straumi og Sól á Suðurnesjum vilja ekki trúa því að
hreppsnefnd Flóahrepps sé boðið að selja náttúruperlur á svæðiðinu fyri
opinberar framkvæmdir eða þjónustu, hvað þá að hreppsnefndin gangi að slíkum
afarkostum. Flóamenn eiga rétt á almannaþjónustu án þess að þurfa að greiða
hana slíku verði. Landsvirkjun getur varla haft umboð ríkisins til þess að
gera Flóamönnum gylliboð um fjármuni almennings.

Við treystum því að hreppsnefnd Flóahrepps standi með þjóðinni í baráttunni
fyrir náttúru landsins og jafnræði þegnanna.

Valgerður Halldórsdóttir    Finnbogi Jakobsson    Guðbjör R. Jóhannesdóttir

Sól í Straumi                      Sól á Suðurlandi                   Sól á Suðurnesjum

Athugasemdir

[Anna Ólafsdóttir (anno) (IP-tala skráð) 26.6.2007 kl. 23:36]

Gangi ykkur vel í baráttunni! Stend heilshugar með ykkur. Ég ætlaði bara eki að trúa mínum eigin eyrum þegar ég heyrði að Landsvirkjun væri orðin að dreifingaraðila fyrir GSM fjarskipti og Vegagerð líka þarna í Flóanum!!! Endar þetta ekki bara á því að fyrirtækinu verði breytt í samfélagsþjónustu???  - ég segi bara svona  

[Lárus Vilhjálmsson, 27.6.2007 kl. 10:55]

heyr, heyr. Það er vonandi að ættmen mínir í Flóanum láti ekki undan þrýstingi Landsvirkjunar og segi nei við virkjun. Annars vekur það athygli að ríkistjórnarflokkarnir láta eins og Landsvirkjun sé einkafyrirtæki og komi þeim ekkert við, samanber orkusölu til ALCAN en á sama tíma getur Landsvirkjun verið að lofa Flóamönnum opinberum framkvæmdum í vega og fjarskiptamálum.

[Valgerður Halldórsdóttir, 27.6.2007 kl. 13:51]

Já, þetta er hið furðulegasta mál með Landsvirkjun - bíð eftir því að einhver útskýri það fyrir mér hvaðan umboðið komi.  Annars var ánægjulegt að lesa það í Fréttablaðinu að oddvitinn í Flóanum er enn fjær því en áður að virkja.