Siðleysi í umhverfismati á stóriðju?

Hvort að það sé rétt aðferð að festa sig upp í krana  eða að hlekkja sig saman og hindra umferð  til að vekja athygli á málstað sínum eins og Saving Iceland hefur gert - eru skiptar skoðanir.

Hinsvegar  fannst mér fréttatilkynning þeirra áhugaverð sem send var út í gær þann 18. júlí þar sem vakin er athygli á að umhverfismat á væntanlegu álveri í Helguvík sé unnið af aðilum sem eiga mikililla hagsmuna að gæta - og er verkfræðisamsteypan HRV nefnd í því samhengi. Kemur fram m.a. í matinu að mengun af verksmiðjunni verði ekkert vandamál þar sem öll mengun mun hverfa með vindinum!

Í Fréttablaðinu 28. mars sl.  er HRV kynnt sem eitt fremsta ráðgjafar- og þjónustufyrirtæki í heiminum á sviði ál - og orkuiðnaðar. Jafnframt kemur fram að áhersla fyrirtækisins verði að stórum hluta á álversiðnaðinn þar sem það hefur á mikilli þekkingu að byggja, en einnig sé horft til annars orkufreks iðnaðar. 

Einnig segir í sömu frétt "Fyrir utan að stýra með verkfræðingum Norðuráls uppbyggingu þar, erum við í samstarfi við Bechtel fyrir austan við byggingu Fjarðaráls, við vinnum að uppbyggingu álvers á Húsavík, við tökum þátt í undirbúningi stækkunar í Straumsvík og sömuleiðis að undirbúningi álvers í Helguvík"

Er einhver furða þó svo menn leyfi sér að draga í efa hlutleysi matsaðila? 

Sjá slóðina: http://www.visir.is/article/2007103280017

VG lýsir yfir áhyggjum vegna undirbúnings við álver

Athugasemdir

[Sveinn Valdimar Ólafsson, 19.7.2007 kl. 14:45]

Sæl

Varðandi það að "hverfa með vindinum" verður að gera greinarmun á hvort mengun er staðbundin - þ.e. veldur vandræðum á ákveðnum stað eða er hluti af hnattrænu vandamáli.  Þegar verið er að meta svona áhrif koma þynningarsvæði verksmiðja til álita.  Væntanlega eru bæði landslags og veðurfræðilegir þættir þannig á þessum stað að staðbundin áhrif eru hverfandi.  Það segir okkur ekkert um global áhrifin s.s. CO2 mengin, það tengist m.a.  alþjóðasamningum og -samþykktum. 

kær kveðja

Sveinn V. Ólafsson

Verkfræðingur (ekki tengdur áliðnaði, HRV né öðru sem aðrir kunna að flokka ósiðlegt en undirritaður flokkar sem siðlegar athafnir) 

[Valdi Sturlaugz (IP-tala skráð) 19.7.2007 kl. 14:53]

Það væri miklu nær að einhver mæti þetta sem ekki þekkir neitt til áliðnaðarins.  Af hverju ekki einhvern frá hjólreiðafélagi Hafnfiskra kvenna? 

[Valgerður Halldórsdóttir, 19.7.2007 kl. 15:41]

Komdu sæll Sveinn! Staðbundin áhrif eru sögð hverfandi en eins og þú bendir á þá er ekki tekið með í matið glóbal áhrif inn í umhverfismatið. Tel ég óeðlilegt er að sleppa þeim þætti.  Hitt er síðan svo annað mál hver sér um framkvæmd matsins og hefði verið áhugavert að heyra þína skoðun á því.

Komdu líka sæll Valdi! Hvernig getur þú verið svona sannfærður um að ekki leynist þekking á  áliðnaðinum hjá Hjólreiðafélagi hafnfirskra kvenna?

[Sveinn Valdimar Ólafsson, 19.7.2007 kl. 16:02]

Sæl Valgerður

Það sem er global tengist ekki staðsetningu en er að sjálfsögðu tekið með hvað varðar heildaráhrif.  Það er ekkert óeðlilegt á ferðinni hvað varðar áform þessara tilteknu aðila. Hvað varðar góbal áhrif eru það stjórnvöld sem ráða.

Kær kveðja

Sveinn

[Valgerður Halldórsdóttir, 19.7.2007 kl. 16:27]

Skil ég þig rétt að þú sjáir ekkert athugavert við það að þeir sem eiga að sjá um hlutlaust mat á tilteknum þáttum hafi fjárhagslega hagsmuni af því að tilteking framkvæmd eigi sér stað?

[Sveinn Valdimar Ólafsson, 19.7.2007 kl. 16:43]

Hvernog tengist HRV þessu nú og í framtíðinni? Veistu þá sögu nú - hún hefur ekki verið skráð þar sem frumathuganir eru í gangi. 

Kv Sveinn

[www.zordis.com, 19.7.2007 kl. 18:44]

Sendi þér kveðju bloggvinkona ..... gangi þér allt í haginn! 

[Valgerður Halldórsdóttir, 19.7.2007 kl. 19:11]

Eins og kemur fram í greininni sem birtist á visi.is kemur fram m.a. að fyrirtækið eigi í Geysir Green Energy. Eins og þér er sjálfsagt kunnugt um þá á það fyrirtæki í Hitaveitu Suðurnesja sem mun verulega hagnast verði af byggingu álvers í Helguvik!

[Ingólfur Ásgeir Jóhannesson, 22.7.2007 kl. 21:30]

Fyrirtæki bera sjálf ábyrgð á því að láta fara fram mat á umhverfisáhrifum þannig að við getum ekki vænst þess að það hlutlaust. Skiptir engu þótt þeir fái ráðgjafafyrirtæki til verksins; það verður ekkert hlutlausara. Hins vegar eiga skýrslurnar að vera faglegar en ef þær eru ekki góðar þá á Skipulagsstofnun að grípa í taumana og krefjast viðbótarupplýsinga. E.t.v. er eðlilegra að fyrirtækin borgi hlutlausri stofnun sem valin er af Skipulagsstofnun - en þá koma til margvísleg hagsmunatengsl eins og þú bendir á þar sem fyrirtæki ætlar að sérhæfa sig í að meta umhverfisáhrif álvera, og það verður verkefnalaust ef ekki eru uppi fleiri álversáform!