Mótmæli við Þjórsá - allt í rólegheitum!

Kvöldstund í mynni Þjórsárdals.

Sveitungar í Sól á Suðurlandi boða til hátíðastundar í mynni Þjórsárdals á föstudagskvöldið klukkan átta. Þar verður komið fyrir öðru upplýsingaskiltinu sem  fræðir vegfarendur um náttúrufórnirnar sem Landsvirkjun vill færa í von um álver einhversstaðar. Allir eru velkomnir á þessa litlu samkomu.

Sungið verður og spjallað og ýmislegt til gamans gert. Gestir eru hvattir til að hafa með sér kvöldhressingu, teppi, dúka og púða og/eða útilegustóla.  Sveitarstjórnarmenn allra hreppa við Þjórsá, fulltrúar Landsvirkjunar, þingmenn og ráðherrar, fjölmiðlar, náttúruunnendur, föðurlandsvinir og  ferðamenn! -  komið og hittið fólkið við Þjórsá og eigið með því eitt sumarkvöld við ána.

Sól á Suðurlandi.
Unnendur Þjórsár

Átta handteknir í Straumsvík og hlið opnuð á ný

Athugasemdir

[Pálmi Gunnarsson, 24.7.2007 kl. 16:31]

Mínar bestu kveðjur til ykkar allra  -  minnist þess að Landsvirkjun er ekki heilög belja. Ef þið viljið ekki virkjun í Þjórsá þá verður ekki virkjað í Þjórsá.

[www.zordis.com, 24.7.2007 kl. 22:03]

Væri alveg til í kvöldstund með ykkur!  Sendi góðar hugsanir í staðinn!

[Valgerður Halldórsdóttir, 24.7.2007 kl. 23:50]

Takk fyrir góðar kveðjur og hugsanir  - bæði tvö!

[Jenný Anna Baldursdóttir, 25.7.2007 kl. 23:19]

Baráttukveðjur, aðeins og seint reyndar.