Tókst Andra Snæ og Pétri að koma vitinu fyrir Rio Tinto í morgun?

Sjálfsagt hefðu margir vilja vera á fluga á vegg á skrifstofu Gunnars Steins ímyndagúrú Alcans í morgun.  Í gangi var fundur með tveimur háttsettum yfirmönnum Rio Tinto og þeim félögum Andra Snæ Magnússyni og Pétri Óskarssyni frá Sól í Straumi - að frumkvæði þeirra fyrrnefndu.

Gunnari er augljóslega ætlað það hlutverk að bæta ímynd fyrirtækisins hér á landi, en yfirmennirnir vildu m.a. kann hug þeirra til þess að álverið yrði stækkað sjávarmegin! Ég sem hélt að þessi hugmynd væri dauð. Þeir voru víst á fundi með Lúðvíki bæjarstjóra í gær og  hann átti víst hugmyndina sem varpað var fram eftir álverskosningarnar um að byggja út í sjó - svo?  

Tinto menn viðurkenndu það nú að þeir hefðu ekki alltaf hagað sér vel en héldu því staðfaslega fram að nú væri fyrirtækið orðið "gott" og afskaplega "umhverfisvænt"!  Mér skilst að þeir félagar Pétur og Andri hefðu sínar efasemdir um það.

Hún var líka áhugaverð skýring Gunnars Steins, að sögn eins fundarmanns,  á því af hverju Alcan tapaði kosningunum í mars -   hann sagði hana vera harkaleg starfsmannastefna Alcans!

Ég er nú ekki sannfærð um það að hún hafi verið aðal ástæðan - en örugglega ein af mörgum.

 

 

 

 

Athugasemdir

[Steingerður Steinarsdóttir, 16.8.2007 kl. 15:42]

Ég hef óbilandi trú á bæði Andra Snæ og Pétri en óttast að Rio Tinto sé það sem kallað var á mínum bæ fordæmt fyrirbæri en í því fólst forherðing sem náði út fyrir alla sáluhjálp.