Snúum pokunum við!

"Hvað eru það margir pokar?" spyr afgeiðslumaðurinn á kassanum.  Eftir "slump" er pokafjöldinn tilgreindur og síðan rukkar verslunin neytandann. Veit ég ekki til þess að gerð hafi verið verðkönnun á innkaupapokum í þessum könnunum - en það væri áhugavert.

Í sjálfu sér er ég ekki á móti því að greiða fyrir innkaupapoka og getur það verið hvattning til neytenda að koma með sína eigin fjölnota poka - en ég vil ekki þurfa að greiða fyrir auglýsingar. 

Pokarnir eru allir merktir einhverju fyrirtækjum t.d. þá er Byr og Fjarðarkaupsmerkið  á pokunum sem seldir eru í Fjarðarkaupum. 

Þar til breyting verður legg ég til að við neytendur snúum pokunum við!

 

 

 

 

„Ekkert samkomulag í gildi á milli SVÞ og ASÍ sem sátt er um"

Athugasemdir

[Þórdís Bára Hannesdóttir, 16.10.2007 kl. 11:18]

Mjög sniðugt, geri það hér með, sný pokanum við.

[Ingólfur Ásgeir Jóhannesson, 19.10.2007 kl. 17:56]

Mjög snjöll hugmynd að snúa pokunum við! Hef reyndar séð verðkönnun á pokum en hef gleymt henni, þ.e. hvar er hana að finna. Svo er til Pokasjóður sem úthlutar 100 millj. til náttúruverndar- og velferðarmála, meira og meira á hverju ári. Samt er eitt af markmiðum hans að minnka pokanotkun. Svolítið gaman að fá styrk úr honum því að þeir bjóða líka í partí og þangað kemur fólk sem maður hefur gaman af að hitta.

Ég á ráðstefnupoka merktan Símanum sem ég sneri við og nota þannig. Ég man nú reyndar ekki hvað Síminn hafði gert af sér akkúrat þá - en það var örugglega eitthvað. Svo má endurnota plastpoka úr sumum verslunum af því þeir eru sterkari, fríhafnarpoka o.fl. ef maður hefur þetta í bílnum sínum eða í úlpuvösum. Flestir ráðstefnupokar eru líka sterkir og góðir en fáir eins stórir og gamli símapokinn.

[Valgerður Halldórsdóttir, 20.10.2007 kl. 11:09]

Ég ætti kannski bara að hætta þessu röfli,  sækja um í Pokasjóð til að komast í þetta góða partí  

[Ingólfur Ásgeir Jóhannesson, 20.10.2007 kl. 19:23]

 ... eða til að vinna að einhverjum góðum málum sem þú hefur örugglega á lager ... veit þó ekki hvort Pokasjóður styrkir baráttu gegn álverum, Væri reynandi! Ég umgekkst tvívegis styrkumsókn vegna verndunar votlendis (sjá myndir á bloggsíðunni minni). En haltu áfram að vinna gegn plastpokunum.

Ég er reyndar ekki enn búinn að komast yfir að á Hótel Nordica Hilton þar sem umhverfisþingið var haldið var bara flöskuvatn í boði og síðari daginn hafði ég ekki hugsun á að koma með vatn með mér. Okkur var sagt ekki væru til vatnskönnur!