Hlutlaust hættumat - maður spyr sig?

Verkfræðistofan VST  er hluti  af verkfræðisamsteypunni HRV. Félögin sem standa að HRV eiga í Geysi Green Energy sem er hluthafi í Hitaveitu Suðurnesja. Verðmæti þess fyrirtækis muni aukast verulega verði af byggingu álversins í Helguvík. 

Það er hinsvegar nokkuð ljóst að lítið verður af byggingu álversins ef ekki verður af virkjun Þjórsár!

Þar að auki er  framkvæmdastjóri  HRV þeirrar skoðunar að við Íslendingar eigum að byggja hér eins og  2-3 "Reyðarfjarðarálver"!

Það má því spyrja sig hvort matið sé hlutlaust?

 

Áhættumat fyrir Urriðafossvirkjun kynnt fyrir íbúum Flóahrepps

Athugasemdir

[Benjamín Plaggenborg, 18.10.2007 kl. 23:04]

Þetta er ekki hlutlaust. VST er einnig verktakinn sem teiknar stíflurnar, og er þannig að áhættumeta eigin teikningar.

[Gísli Gíslason, 19.10.2007 kl. 16:06]

Þetta eru sterkir punktar og gagnrýnin fréttamennska ætti að fjalla um svona tengsl.   En því miður er eignatengsl á fjölmiðlum eitthvað í svipuðum dúr.

[Ingólfur Ásgeir Jóhannesson, 19.10.2007 kl. 17:48]

Fyrirtækið sjálft ætti kannski að sjá hagsmuni í að fá aðra til að skoða þetta. En svo er það þannig að einhvern veginn er ég þeirrar skoðunar að við eigum á hættu að týnast í tæknilegum deilum um hvað hætta eða áhætta sé mikil þegar málið snýst langmest um náttúruvernd og atvinnustefnu umfram tæknilega stíflugerð. Með kveðju að norðan þar sem sárlega vantar að halda uppi meiri baráttu gegn áformum um náttúru- og samfélagsspjöll í Þingeyjarsýslum.

[Sigurður Hrellir, 20.10.2007 kl. 01:19]

Er þetta HRV ekki í eigu SÍS afturgengisins, vinum hans Björns Inga?