Legg til að við skiptum um formann í stjórn Landsvirkjunar!

Það er með ólíkindum að formaður stjórnar Landsvirkjunar skuli vera framsóknarmaður.  Eðlilegast væri að skipta honum út eins og í öðrum stjórnum og ráðum á vegum ríkisins við ríkisstjórnarskipti.

Hvaða pólitíska umboð hefur hann og hvaða stefnu stendur hann fyrir? Er hann að reka stefnu Framsóknarfloksins með því að leyfa að þrýst sé á landeigendur að selja land við Þjórsá með afskaplega óeðlilegum hætti, svo vægt sé til orða tekið!  Annars eigi þeir hættu á að land þeirra verði tekið eignarnámi!

Ríkisstjórnarflokkarnir eiga að senda landeigendum við Þjórsá þau skýru skilaboð að landið verði ekki tekið eignarnámi.  Landsvirkjun hefur hagað sér eins og ríki í ríkinu, boðið vegi og gemsasamband sem hún hefur ekkert umboð til.  Hélt ég að þeir málaflokkar væri hjá Kristjáni Möller samgöngumálaraðherra.  

Bráðnauðsynlegt er að ríkisstjórnin kippi í þá spotta sem hún hefur vald og umboð til og tryggi að þeir sem sitja í stjórn Landsvirkjunar endurspegli þá ríkisstjórn sem nú er!

 

Átökin um orku og auðlindir

Athugasemdir

[Sigurður Hrellir, 25.10.2007 kl. 08:29]

Framsóknarmenn sitja í öllum ráðum Reykjavíkurborgar og eru með formennsku í 5 þeirra. Fylgisleysi þeirra stoppar þá ekki í að hafa áhrif á allt okkar líf og er með ólíkindum að þetta viðgangist. Vonandi losar Össur okkur við þennan gaur úr stjórn Landsvirkjunar sem fyrst, enda er þetta hagsmunagæslumaður Finns og félaga.

[Tryggvi Björnsson (IP-tala skráð) 25.10.2007 kl. 09:10]

Væri bara ekki best að skipa einhverja vinkonu hennar Sollu í formannsstólinn??  Samfylkingin er á leiðinni með að vera stærsta vinnumiðlun landsins.

[María Kristjánsdóttir, 25.10.2007 kl. 12:39]

Alveg sammála. Fjölskyldutengsl hans líka inní bankakerfið óeðlileg.

[Ólafur Sveinn Haraldsson (IP-tala skráð) 25.10.2007 kl. 16:19]

Sæl

Jáhá, það er bara þannig. Margt athugunarvert í þessum skrifum þínum.

 mbk.

[Sævar Helgason, 25.10.2007 kl. 21:08]

Auðvitað er stjórnarformennska í Landsvirkjun stórpólitísk staða.                     Þar á Framsóknarflokkur ekkert erindi lengur . Það er komin til valda ný ríkisstjórn Samfylkingar og Sjálfstæðisflokks og orðið bæði tímabært og eðlilegt að koma á nýjum og siðuðum vinnubrögðum hjá þessu fyrirtæki í  okkar eigu gagnvart fólkinu í landinu. Eins og bent hefur verið á hefur Landsvirkjun hagað sér eins og ríki í ríkinu.