Lækka áfengisaldurinn í 18 ár?

Tillagan er ágæt hjá þessum föður og er ég á því að sveitarfélög eigi ekki að endurnýja veitingaleyfi þeirra staða sem margítrekað hafa gerst sekir um að selja fólki undir lögaldri áfengi.

Hinsvegar hef ég velt því fyrir mér hvort ástæða sé til að lækka áfengisaldurinn í 18 ár?

Fram að þeim aldri berum við  foreldrar fulla ábyrgð á börnum okkar og er í góðu lagi að hamra á þeirri staðreynd við okkur. Minna okkur á að við eigum að vera foreldrar barna okkur en ekki "góðir" vinir sem heimila eftirlitslaus bekkjarpartý eða sem  leyfa börnum að drekka "undir eftirliti"  - án þess að ég ætli að gera lítið úr vináttu milli foreldra og barna. 

En ætli fólk sér að drekka á annað borð, þá má hugsa sér að auðveldrara sé "bíða" þar til það verði sjálfráða  þ.e. er 18 ára frekar en 20 ára. Jafnframt sé það "auðveldara" fyrir foreldra að sýna ábyrgð og standa við þau skilaboð að áfengisneysla sé ekki viðurkennd  fyrir 18 ára aldur.

Gera á kröfum um að yfirvöld bergðist við og líti það alvarlegum augum ef veitingahúsaeigendur eða foreldrar heimili áfengisneyslu ósjálfráða unglinga.

 

Lokun eina ráðið við unglingadrykkju á skemmtistöðum

Athugasemdir

[Róbert Þórhallsson, 5.1.2008 kl. 10:44]

Að breyta aldrinum í 18 ár er viss uppgöf í sjálfu sér við vandanum. Hérna virkar ekkert betur en gott og heilbrigt uppeldi.

[stebbi (IP-tala skráð) 5.1.2008 kl. 13:41]

Sé ekki neina uppgjöf við það. Boð og bönn hafa allavegana aldrei virkað á mig eða neinn annan í kringum mig.

[Sigurður F. Sigurðarson, 5.1.2008 kl. 13:56]

Hvernig er það þá með bílprófið.  Það eru ansi margir þegar byrjaðir að keyra, jafnvel drukknir áður en þeir verða 17 ára.  Á þá ekki að lækka bílprófsaldurinn því að það er auðveldara að bíða ef það er við 15 ára aldurinn eða 16 ára.  Auðvitað verður bara að þreyja þorrann þar til börn eru orðin 20 ára.  Þangað til verður lögreglan og löggæsluaðilar t.d. þeir sem sjá um að veita skemmtanaleyfi að vera harðari, sem og foreldrar.

[www.zordis.com, 5.1.2008 kl. 14:17]

Verður ekki að miða reglur við þegar viðkomandi einstaklingar eru orðnir sjálfráða með ábyrgð á fjármálum sínum.  Einstaklingar mega gifta sig, eignast börn en ekki kaupa sér bjór???

Ég held að ekkert foreldri vilji taka á móti barninu í þessu ástandi en það er eitthvað bogið við ferlið þegar barnið mætir í svona ástandi en sem betur fer er traustið þannig að barnið fer heim en ekki eitthvað annað.

[Hörður Svavarsson, 5.1.2008 kl. 14:35]

Það má sjá fyrir sér mikinn vanda í framhaldsskólum og á framhaldsskólaböllum þegar helmingur nemenda hefur heimild til að drekka áfengi 18 ára en helmingurinn sem yngri er á að vera edrú. Bara út af því eru þessar hugmyndir ófærara.

Auk þess mun þetta færa almenna áfengisneyslu niður um tvö ár með kunningjainnkaupum.  Sextán ára unglingar þekkja marga átján ára þó svo þau séu kannski ekki í miklum samskiptum við tvítuga og svo koll af kolli...

Ef það verður að miða við reglur um sjálfræði, má alveg eins hugsa sér að sjálfræðisaldur verði hækkaður í tvítugt. Það væri í samræmi við þá ábyrgð sem flestir foreldrar taka á ungmennum.

Í stuttu máli er lækkun áfengiskaupaldurs ávísun á aukinn vanda, sem þeir sem ekki eiga í vanda þurfa að standa undir. Frelsi þeirra mun því skerðast.

[Marta B Helgadóttir, 9.1.2008 kl. 01:01]

Ég tel eðlilegast að miða reglur við þegar viðkomandi einstaklingar eru orðinn "fullorðinn" og það er 18 ára. Þá er hann fjárráða og skilgreindur sem slíkur. Við þurfum líka að lækka stúdentsaldurinn í 18 ára.

[Steingerður Steinarsdóttir, 14.1.2008 kl. 09:18]

Ég skil rökin fyrir þessu og þau eru gild í sjálfu sér. Ég hef hins vegar ákveðnar efasemdir um hvort þetta sé heppilegt. Unglingadrykkja er of almenn og of mikil hér á landi. Hvort boð eða bönn breyti einhverju þar um veit ég ekki. Hins vegar finnst mér mikill munur á viðhorfum og þroska átján ára og tvítugra.

[Laufey Ólafsdóttir, 19.1.2008 kl. 01:23]

Mér finnst ósamræmi felast í að því að 18 ára öðlist þú sjálfræði til alls nema versla áfengi og því ástæða til að skoða þetta. Ef þú ert sjálfráða á annað borð og ábyrgur fyrir eigin fjármunum, á þér þá ekki að vera treystandi til að neyta áfengis? Ef svarið er nei er kannski spurningin frekar um hvort hækka eigi lög- og  fjárræðisaldurinn upp í 20.