Álver í Helguvík, Bakka og Þorlákshöfn - það sem okkur vantar?

Loftlagsbreytingar eru raunverulegar og fáir deila um þá staðreynd.  Í ljósi þess er öll umræða um stækkun og fjölgun álvera  hér á landi mjög einkennileg. 

Við þurfum alvarlega að íhuga hvernig við ætlum að nota orkuna sem við höfum til ráðstöfunar og þora að taka þá siðferðilega og pólitísku umræðu sem því fylgir. 

Hugleysi hefur einkennt marga stjórnmálamenn og forsvarsmenn orkufyrirtækja að ræða þessa hluti  og elur það á tortryggni þeirra sem láta sig málið varða.

Ljóst er að við eigum fleiri valmöguleika. Það voru ánægjuleg tíðindi sem bárust frá Hafnarfirði þar sem gert er ráð fyir að rekstur bæjarfélagsins skili 600 milljónum króna í afgangi á næsta ári og bjartsýni ræður ríkjum - þó ætlum við ekki að stækka álverið í Straumsvík!

Leiðtogar ræða loftlagsmál

Athugasemdir

[Sigurlaug B. Gröndal, 12.12.2007 kl. 12:18]

Nei, við þurfum ekki álver. Við eigum að skoða vel hvernig við munum nýta orkuna. Við erum ekki með endalausa auðlind og við eigum heldur ekki að selja alþjóða auðhringum dýrmæta orku okkar á spottprís. Við horfum síðan á okkar frábæru garðyrkjubændur sem eru að rækta hágæða grænmeti undir ljósum allt árið um kring og þeir fá ekki þá raforku sem þeir þurfa á sambærilegu verði.  Þessir auðhringir  eru ekki að spá í mengun eða umhverfisvernd. Þeir vilja eingöngu komast yfir ódýra raforku og herja á ríki 3ja heims meðal annars. Eigum við að vera í þeim flokki? Þar að auki er þensla í efnahagskerfinu og okkur skortir enn vinnuafl til að vinnumarkaðurinn eins og hann er gangi. Þurfum við einhverju að bæta þar við?