Má ég biðja um lægri vexti í staðinn?

Æi,  hvað ég er eitthvað vanþakklát  -  Ég sem get skellt mér í pasta hjá Glitni í Laugardalshöllinni í kvöld,  farið síðan pakksödd á eftir á tónleika hjá Kaupþingi á Laugardalsvellinum og svo aftur á   tónleika hjá Landsbankanum annað kvöld! 

Ég sem vil bara lægri vexti svo ég hafi ráð á að ákveða sjálf hvað ég borða og panta t.d. "míns eiginn Eltonjón" - en þangað til þá .......

Einhvern veginn finnst mér ég hafa kostað þessa tónleika sjálf - en auðvitað er það tóm vitleysa

Undirbúningur Kaupþingstónleika í fullum gangi

Athugasemdir

[Guðrún Helgadóttir (IP-tala skráð) 17.8.2007 kl. 16:55]

Það er nokkuð til í þessu - en eins og bankarnir græða ættu þeir eiginlega að hafa efni á því að gera hvorttveggja; bjóða okkur á tónleika og lækka vextina. Það væri nú í besta heimi!

[Ívar Jón Arnarson, 17.8.2007 kl. 17:21]

Hefði ekki getað orðað þetta betur sjálfur.

Af hverju ekki að gefa viðskiptavinum frekar afmælisafslátt á vöxtum eða yfirdrætti ?  Væri örugglega miklu betur til þess fallið að laða að nýja viðskiptavini og ríghalda í núverandi viðskiptavini.