Gamalt fólk sagt "dettið"

Ofbeldi gagnvart öldruðum er ekki bundið við Japan - það þekkist líka hér á landi!  Töluverð opinber umræða hefur verið um ofbeldi gagnvart ölduðum á vistheimilum fyrir aldraða víða á Norðurlöndum en minna um það sem gerist innan veggja heimilisins eða í nánum samskiptum ættingja . 

Erfitt getur reynst þeim aldraða að viðurkenna ofbeldi t.d. sinna eign barna eða barnabarna - og oft á tíðum er þeim einfaldlega ekki trúað þegar þeir  reyna að segja frá að þeir verði fyrir ofbeldi skv. norskum rannsóknum.  Ellinni  er kennt um og fólk gert ómarktækt vegna aldurs.  Í stað þess að horfa t.d. á mögulega áverka sem merki um ofbeldi er það sagt "dettið".

Það er því mjög mikilvægt að vera vakandi fyrir merkjum um ofbeldi. Félagsráðgjafafélag Íslands veitti styrk úr vísindasjóði sínum í byrjun september sl. til rannsóknar á ofbeldi á öldruðum hér á landi.  Vænta má niðurstaðna á næsta ári.

 

Ofbeldi gagnvart eldra fólki algengt í Japan

Athugasemdir

[Katrín Snæhólm Baldursdóttir, 23.9.2007 kl. 08:55]

Sá þátt hér í bretlandi um daginn um málið..ofbeldi á gömlu fólki er hryllingur og því miður töluvert mikið um það. Það þarf að vera vakandi vitund um slík mál á íslandi og heilsugæslufólk að skoða vel hvernig "slysum" gamla fólkið verður stundum fyrir.