Þeir hefðu nú bara getað hringt í mig!

Þetta mál er með eindæmum - og er ég sannfærð um að kosningarnar í Hafnarfirði eigi eftir að vera notaðar í framtíðinni sem skólabókadæmi um hvernig ekki eigi að standa að slíkum kosningnum.

Það hefði verið lítið mál fyrir Rannveigu Rist að taka upp símann og spyrja mig og aðra meðlimi Sólar í Straumi um okkar afstöðu til mála eða notað tækifærið á þeim fundum sem við stóðum fyrir til að ræða saman.  Hún hefur líklega haldið að opin og hrein samskipti væri bönnuð innan bæjarins þar sem   bæjarfulltrúar meirihlutans þögðu þunnu hljóði, svöruðu hvorki á bæjarstjórnarfundum né á bæjarmálafundum um afstöðu sína til málsins - var það þannig löngu áður en ákveðið var að fara í kosningar um stækkunina! 

Ég fagna nú hinsvegar að þessi sami meirihluti íhugi alvarlega að nýta forkaupsrétt sinn í HS og ungliðahreyfing flokkins hefur ályktað gegn fjölgun álvera!

 

 

 

Alcan braut gegn lögum

Athugasemdir

[Tryggvi L. Skjaldarson, 10.10.2007 kl. 20:37]

Það hefur margsinnis verið bent á að það er rangt að starfsmenn Alcan hafi fengið tilmæli eins og lýst er í grein Þórðar blaðamanns og stóriðjuandstæðings. Það er einfaldlega rangt.

[Valgerður Halldórsdóttir, 10.10.2007 kl. 22:38]

Komdu sæll Tryggvi

Í fréttinni segir "Stjórn Persónuverndar úrskurðaði á föstudag að Alcan hefði ekki gætt lögboðinnar fræðsluskyldu" Þú segir að það sé rangt að starfsmenn Alcans hafi fengið tilmæli eins og lýst er í greininni - hvernig tilmæli fengu þeir þá?

[María Kristjánsdóttir, 10.10.2007 kl. 23:28]

 Þetta var líka í fréttum útvarps, og ég hélt að það hefði verið haft eftir Persónunefnd að Alcan hefði staðið svona að málum. Það þarf að setja lög um kosningar af þessu tagi og tilraunir fyrirtækja til að hafa áhrif á kosningar.

[Tryggvi L. Skjaldarson, 14.10.2007 kl. 11:54]

Sæl Valgerður

 Starfsmenn voru hvattir til að hafa samband við fólk sem þeir vissu að væri jákvætt í garð fyrirtækisins og  hvetja það til að mæta á kjörstað. 

Tilmæli voru engin.

Hversvegna hringdu félagar í Sól í Straumi ekki stöðugt í sama fólkið?

Hversvegna hringja Vinstri Grænir,Samfylkingarfólk, Frammarar eða Sjálfstæðismenn ekki stöðugt í sama fólkið fyrir kosningar?

Satt best að segja þá er ég mest hissa á Persónuvernd sem virðist koma af fjöllum.