Ætlar Alcan (RioTintoAlcan) að standa sig betur næst?

Vinnulag Persónuverndar er athugunarvert og full ástæða til að taka það til endurskoðunar. Þetta er orðið hið sorglegasta mál fyrir alla aðila og ekki síst fyrir suma starfsmenn fyrirtækisins sem hafa sagt oftar en einu sinni m.a. á mínu bloggi,  að slík upplýsingaöflun hafi aldrei átt stað. Það var því löngu orðið tímabært að stjórnandi stígi fram og svaraði fyrir málið.

Mér brá hinsvegar verulega við að lesa orð Sigurðar Þórs Ásgeirssonar, fjármálastjóra Alcans (væntanlegs RioTintoAlcans) þar sem hann segir "Við vorum að standa að þessu í fyrsta skipti"!

Ég velti því fyrir mér hvort fyrirtækið hafi hugsað sér að standa í frekari upplýsingaöflun um íbúa Hafnarfjarðar eða aðra landsmenn - og þá í hvaða tilgangi?

 

Málinu er hinsvegar ekki lokið og þurfa bæjaryfiröld að ganga  frá  ýmsum málum í ljósi niðustaða kosninga þe. lóðamálinu þannig að Hafnarfjarðarbær fái aftur til ráðstöfunar lóðina sem Alcan hafði keypt undir stækkun. 

Ganga þarf frá samkomulagi við Landsnet um lagningu á rafmagnslínum í jörð frá álverinu og út fyrir alla byggð.  Ganga þarf frá þynningarsvæðinu í kringum álverið.  Endurskoða þarf aðalskipulag bæjarins með tilliti til brottfalls þynningarsvæða og þeirri staðreynd að bæjarbúar höfnuðu stækkun álversins.  Fara þarf gaumgæfilega yfir skipulagt iðnaðarsvæði í suðurhluta Hafnarfjarðar sunnan Reykjanesbrautar.

Áhugavert er að vita stöðuna á þessum málum í dag - því miður virðist sem að bæjaryfirvöld geri enn ráð fyrir stækkun ef marka má auglýsingar frá bænum um skipulagsmál sem birst hafa í blöðunum að undanförnu - vonandi er það bara óvart!

 

 

Persónuvernd til skammar

Athugasemdir

[Jóhannes Einarsson, 11.10.2007 kl. 08:55]

Í götunni minni býr maður sem vinnur í Straumsvík. Hann er góður granni og félagi, og mikið er ég sæll yfir því að hvorki hann né aðrir starfsmenn hringdu í mig í þessum tilgangi.

Ég fékk að taka afstöðu til þessa máls svo til óáreittur, ef frá er talið áreyti í  "gjafa" formi, áþreifanlegt og/eða ekki áþreifanlegt.  

[Kristín Dýrfjörð, 11.10.2007 kl. 11:36]

Þetta var í reynd alveg ótrúlegt mál, og hefði átt að fá flýtimeðferð í gegn  um persónuvernd á sínum tíma. En í fyrsta sinn, gefur til kynna fleiri væntanleg skipti. Um hvað, er ekki gott að segja, það hefði auðvitað átt að ganga á manninn og spyrja.

[Tryggvi L. Skjaldarson, 12.10.2007 kl. 11:58]

Pétur Óskarsson hitti sennilega naglann á höfuðið þegar hann sagði:"Annað hvort eru heimildir Persónuverndar of linar eða þeir nota ekki þær heimildir sem þeir hafa", þegar hann lýsti vonbrigðum sínum með framgöngu Persónuverndar. 

Hvaða upplýsingum átti Alcan að safna um félaga Sólar í Straumi sem ekki lágu ljósar fyrir hverjum sem skoðaði netsíðu samtakanna?

Það liggur fyrir að Alcan fékk til afnota margþvælt fyrirkomulag sem hefur verið notað árum saman í pólitík sem Persónuvernd virðist einhverrahluta vegna ókunnugt um.

Það eina sem skipti okkur máli, sem stóðum í því að reyna að koma sjónarmiðum Alcan og starfsmanna þess á framfæri, var að tryggja að ekki væri hringt í sama fólkið aftur og aftur í aðdraganda kosninganna.

Það má leiða að því líkur að þessi málatilbúningur allur hafði eingöngu haft þann tilgang að sverta Alcan og hafa áhrif á kjósendur í Hafnarfirði 31.mars s.l. 

Lærdómurinn sem má draga af íbúakosningunni í Hafnarfirði er að það virkar að ausa skít "and make them deny it".