"Dauðaherbergi" á skólaböllum - hver samþykkir og fyrir hverja?

Við viðurkennum "dauðaherbergi" á skólaböllum, partíhlé á árshátíðum, "salapartý " út í bæ, að drukkið sé undir "efirliti" í heimapartíum fyrir böll  - já og  kaupum fyrir þau bjór,  svo þau fari nú ekki að drekka landa og veikjast  - þessar elskur.

Við sjáum nemendur,  börn vina   eða okkar eigin börn á skemmtistöðum bæjarins ætlaða fólki 20 ára og eldri, þar sem þau eru ýmist að vinna eða skemmta sér. 

Við vonum að þau hafi ekki séð okkur á staðnum og reynum að fara hljóðlega óséð út og ákveðum að fara ekki á "þennan stað" aftur   Það er nú ekkert gaman fyrir þau að vera með okkur - gamla liðinu. Hvar eiga þau greyin eiginlega að vera?

Svo reynum við að vaka eftir þeim,  en skólaböllin eru ýmist til 1 eða 3 á virkum dögum - þannig að bæði forráðamenn  og nemendur geti komið ósofnir í vinnuna og skólann deginum eftir  

Satt að segja koma þessar tölur mér ekkert á óvart. Við,  fullorðna fólkið þe. foreldrar, skólayfirvöld, lögreglan og eigendur skemmtistaða sköpum saman kjöraðstæður fyrir þau - sofandi og meðvitundarlaus  

Þau eru bæði klár og dugleg þessar elskur og nýta sér aðstæðurnar - er einhver von á öðru? Skilaboðin eru skýr!

 

 

Áfengisneysla framhaldskólanema áhyggjuefni

Athugasemdir

[Hrefna (IP-tala skráð) 23.11.2007 kl. 23:56]

Sammála innihaldinu og dásamlegur stíll Vallý! Þú ert góð..... og ég er á leiðinni.... Hrefna

[Inga Lára Helgadóttir, 24.11.2007 kl. 16:53]

Góður pistill hjá þér Valgerður

Mér finnst krakkar í dag í efri bekkjum grunnskóla og einnig í framhaldsskólum margir hverjir vera að fara í hundana. Ekkert er orðið eðlilegra í dag en að vera drukkin og mér finnst viðhorfin eins og að kaupa fyrir barnið svo það geri það ekki sjálft vera alveg fáránlegt. Hvað með að aga krakkana og bera ábyrgð á þeim ?

Ég er ekki að alhæfa, auðvitað eru fullt af unglingum algjörar perlur og mjög fínir, en mér finnst hitt vera svolítið vandamál líka !

Kveðja,

Inga Lára Helgadóttir