64 próf á 7 mánuðum!

Prófkvíði er þekktur meðal nema á öllum skólastigum og hefur hann lamandi áhrif á nemanda eins og kemur svo ágætlega fram í greininni. Á prófkvíðanámseiði hjá skólafélagsráðgjafa, sem haldið var í einum framhaldsskóla kom fram hjá  mjög góðum og samviskusömum nemanda að hann væri búinn að taka 64 próf á skólaárinu fyrir utan jólaprófin og þetta var í mars! Viðkomandi nemandi var með kvíðahnút allan veturinn, en námskeiðið hjálpaði honum eitthvað að takast á við hann.

Ég held því miður að kennarar nota prófaformið of mikið sem aðferð tið halda aga og fá nemendur til að læra.  Við þurfum markvissa skólastefnu og þor til að takast á við agavandamál skólanna- sem er sannanlega fyrir hendi. Við þurfum ekki annað en að horfa á reykjandi nemendur fyrir framan bannskilti á skólalóð þar sem stendur að bannað er að reykja - og engin gerir neitt!

 

Þjáð af prófkvíða

Er hún í fjölskyldunni?

Þessi er nú alveg óborganleg   http://dagskra.ruv.is/streaming/sjonvarpid/?file=4365645/4 svo dettur fólki í hug að það geti tekið kjarnafjölskylduna sem fyrirmynd.

Já og hver er í fjölskyldunni? http://dagskra.ruv.is/streaming/sjonvarpid/?file=4365645/3 

 

McCartney og Shevell saman í rómantísku orlofi

Plís Þórunn plís ..ekki..

Nú treysti ég á þig kæri umhverfisráðherra að fara vel með loftið okkar og úthluta EKKI mengunarkvóta til Norðuráls!

 Hvað skuldum við þessu fyrirtæki?

Framkvæmdaleyfi vegna Helguvíkurálvers afgreitt

Viðskiptavit eða heimska hjá Árna í Reykjanesbæ?

Það er augljóst að Reykjanesbær ætlar að beita þeirri aðferð að byrja bara á byggingu álversins. Vinna svo í því að sannfæra stjórnvöld og aðra að ekki sé hægt að snúa við sökum þess hve langt þeirra frekjulegu framkvæmdir eru komnar. Þrátt fyrir alla fyrirvara sem er að finna í áliti Skipulagstofnunar um mat á umhverfisáhrifum er farið af stað. Þar kemur fram að þeir telji æskilegt að hafa í huga áður en framkvæmdaleyfi er veitt að ganga þurfi frá "smotteríí" eins og losunarheimildum, raflínulögnum og raforku - þeir ætla samt .

Er þetta viðskipavit eða heimska?

 

 

 

Beittu ekki „íslenskri aðferð"

Stjúpblinda samfélagsins

Fram til þessa hafa stjúpfjölskyldur verið nánast ósýnilegar í opinberri stefnumótun, umræðu og rannsóknum. Einhverskonar "stjúpblinda" hefur einkennt íslenskt samfélag. Í MA rannsókn minni í félagsráðgjöf kom fram að fólk kallar eftir breytingum þar á og almennri viðurkenningu. Merkja má ákveðnar breytingar á  sl. mánuði  þar  sem m.a. er gert ráð fyrir stjúpfjölskyldum í opinberri stefnumótun í félagsmálaráðuneytinu.  

Stuðningur Baugs við verkefnið "Í Matador með Lúdóreglur" er mikilvæg viðurkenning á sérstökum þörfum stjúpfjölskyldna sem hafa fengið til þessa litla athygli hér á landi - vil ég þakka fyrir hann og óska öllum styrkþegum til hamingju  

Hvað er stjúpfjölskylda í þínum huga?

35,5 milljónum úthlutað úr Styrktarsjóði Baugs

Bíð eftir að vera uppgvötuð!

Glæsilegar konur skipa þennan 100 kvenna lista og er framtakið flott. Hinsvegar sýnist mér vanta kvenstjórnendur úr verkalýðshreyfingunni á listann. Þar sem ég þekki best til þ.e. innan BHM eru 16 aðildafélög af 25 með kvenframkvæmdastjóra og u.þ.b. 8000 félagsmenn! Sum félaganna eru saman um framkvæmdastjóra og því fleira en eitt félag á ábyrgð viðkomandi konu.

Hvet ég bæði kven -og karlstjórnendur að kynna sér þennan mannauð!  Ég er til  - það þýðir víst lítið að bíða eftir því að vera "uppgvötaður".

sjá www.bhm.is

 

SA vilja fjölga konum í stjórnunarstöðum

Brúðguminn - situr uppi með sig sjálfan

Myndin er góð og hægt að mæla með henni. Flottar tökur og skemmtilegur leikur. Sagan sat í mér þegar ég kom heim og velti ég því fyrir mér af hverju karakter Hilmis Snæs, Jón háskólakennari fór létt í pirrurnar á mér.  Ég held að ástæðan hafi verið sú að ég sá mann í lok myndarinnar sem sat uppi með sig sjálfan og fullan "bakpoka af drasli", sem nennti ekki eða skorti manndóm til að hreinsa til og fylgja sannfæringu sinni.

Í stað þess að takast á við sig sjálfan - þá skipti hann um samferðafólk, lét til leiðast og breytti litlu - með miklum tilkostnaði.

 

Troðfullt á frumsýningu Brúðgumans

Lækka áfengisaldurinn í 18 ár?

Tillagan er ágæt hjá þessum föður og er ég á því að sveitarfélög eigi ekki að endurnýja veitingaleyfi þeirra staða sem margítrekað hafa gerst sekir um að selja fólki undir lögaldri áfengi.

Hinsvegar hef ég velt því fyrir mér hvort ástæða sé til að lækka áfengisaldurinn í 18 ár?

Fram að þeim aldri berum við  foreldrar fulla ábyrgð á börnum okkar og er í góðu lagi að hamra á þeirri staðreynd við okkur. Minna okkur á að við eigum að vera foreldrar barna okkur en ekki "góðir" vinir sem heimila eftirlitslaus bekkjarpartý eða sem  leyfa börnum að drekka "undir eftirliti"  - án þess að ég ætli að gera lítið úr vináttu milli foreldra og barna. 

En ætli fólk sér að drekka á annað borð, þá má hugsa sér að auðveldrara sé "bíða" þar til það verði sjálfráða  þ.e. er 18 ára frekar en 20 ára. Jafnframt sé það "auðveldara" fyrir foreldra að sýna ábyrgð og standa við þau skilaboð að áfengisneysla sé ekki viðurkennd  fyrir 18 ára aldur.

Gera á kröfum um að yfirvöld bergðist við og líti það alvarlegum augum ef veitingahúsaeigendur eða foreldrar heimili áfengisneyslu ósjálfráða unglinga.

 

Lokun eina ráðið við unglingadrykkju á skemmtistöðum

Var Jesús stjúpbarn Jóseps?

Ég er ekki  nógu vel að mér í trúarbragðafræðum til að vita svarið við þeirri spurningu hvort Jesú hafi verið stjúpbarn Jóseps?  Í fljótu bragði virðist mér að svo sé. Hvað ætli Páfi segi við þessu?

Vil ég nota tækifærið og óska fólki í öllum fjölskyldugerðum Gleðilegs árs

Lofar náttúrulegar fjölskyldur

Jólaról og fótabað

Nú er kominn tími til að slaka á og skella sér í fótabað.  Reyndar neyðist  ég til að sötra aðeins koníak með í tilefni afmælisins, en hvað lætur maður sig ekki hafa þegar góða gesti ber að garði og árin færast yfir

Gleðileg jól kæru vinir nær og fjær!

Valgerður