"It is a privat party"

Bæjarferðin var mjög lærdómsrík á laugardagskvöldið - ekki nóg með að vinur minn mátti ekki fara inn með hatt á veitingastaðinn B5 - þá urðum við vitni að því þegar við komum út af veitingastaðnum Rex að dyrarverðir sögðu við þrjá útlenda karlmenn með dökkan húðlit að það væri "privat party" á staðnum - sem var tóm lygi!  

Það getur vel verið að  " og ástæður samþjöppunar eru fyrst og fremst fjárhagslegar, en ekki val" þegar kemur að húsnæðismarkaðnum, en að dyraverðirnir á Rex sáum um að velja fyrir þennan hóp útlendinga  - hvar þeir gátu ekki skemmt sér!

Vísar að innflytjendahverfum að myndast

Karlmenn með hatta óæskilegir?

Já það var mikið líf í bænum í gærkvöldi, flöskur og glös flugu í allar áttir - menn voru að "skemmta" sér! Það var ekkert eitt mál sem stóð upp úr hjá lögreglunni.  Við vinirnir lentum hinsvegar í sérkennilegu máli - einn félaga okkar fékk ekki að koma inn á skemmtistaðinn B5 þar sem hann var með hatt!!!

Einu sinni máttu karlmenn ekki koma á skemmtistaði ef þeir voru bindislausir - en bindislausir og sauðdrukknir var í góðu lagi. Nú má ekki koma mildur með hatt  - ekki á B5.

Mikið að gera hjá lögreglunni í Reykjavík

Má ég líka koma með tillögu, ágæta hreppsnefnd?

Er ekki lag nú fyrir Flóamenn og fyrirtæki í hreppnum,  og í raun fyrir alla landamenn sem áhuga hafa á skipulagi svæðisins að koma með sínar eigin tillögur og óska eftir því að þær fari í kynningar- og auglýsingaferli? Hvaða mála skipti það þó þær séu ekki inni á skipulagi? "

Þeir sem áhuga hafa "krefjast" bara fundar með hreppsnefndinni og "bingó"  tillagan er í höfn!

 

Er Landsvirkjun með skipulagsvald?

 

Hvenær og með leyfi hverra fékk Landsvirkjun skipulagsvald sveitarfélaga? Ég á ekki til orð yfir yfirgangi þeirra gagnvart lýðræðislega kjörnum fulltrúum sveitarfélagsins - að heimta fund og krefjast þess að aðrar tillögur séu kynntar íbúum en þær sem samþykktar voru á fundi hreppsnefndar!

Ég skil enn síður að hreppsnefndarmenn hafi ákveðið í kjölfar fundarins að kynna virkjun sem ekki er á skipulagi!

Hvað segja kjósendur?

 

 

Áhrif Urriðafossvirkjunar rædd á fundi Landsvirkjunar og Flóahrepps

Geisladiskar, tónleikar og súkkulaðifondú?

Century Aluminum hefur í hyggju að útvíkka starfsemi sína hér á landi segir í fréttinni, bara svona "bæ þe vei"! Eigum við von á geisladiskum, tónleikum og súkkulaðifondú?

Ég vil ítreka þá afstöðu mína að það er löngu orðið tímabært að við fáum upp á yfirborðið heildarmynd áforma stóriðjufyrirtækja, orkufyrirtækja og orkuflutningafyrirtækja hér á landi. Hvaða orka er til ráðstöfunar og í hvað?

Hvað viljum við Íslendingar - hyggjumst við gera eitthvað annað en að bregðast við?

Century Aluminum fyrsta félagið sem bæði er skráð á Íslandi og á Nasdaq

Kraftaverk?

Fyndin frétt á Bylgjunni - tollvörðum fannst vegabréf "fötluðu" konunnar eitthvað sérkennilegt en  "jók það á grunsemdir tollvarða þegar hún stóð upp úr hjólastólnum". Skarpir  

Annars held ég þessi skyndilega "upprisa fötluðu" konunnar hafi ekkert með kraftaverk að gera - held að það hafi verið bara svindl

 

 

 

Kraftaverk kom upp um konuna

Ætli sé eitthvað minnst á börn í stjúpfjölskyldum?

Gleðileg frétt - og ekki hægt annað en að fagna því að núverandi ríkisstjórn setji málefni barna á oddinn í upphafi samstarfsins.  Ég vona að mönnum beri gæfa til að taka mið af öllum fjölskyldugerðum við frekari stefnumótun í málefnum barna. 

Vanþekking á málefnum stjúpfjölskyldunnar og oft hennar sjálfar, gerir það að verkum að ekki er tekið tillit til hennar við opinbera stefnumótun og hin hefðbundna kjarnafjölskylda verður oft fyrirmynd  hennar og óheppilegar lausnir verða til. Með viðeigandi fræðslu og stuðningi á stjúpfjölskyldan alla möguleika á blómstra og vera vettvangur gefandi og góðra samskipta eins og allar aðrar fjölskyldugerða - við erum ólík en jafngild!

Aðgerðaráætlun til að styrkja stöðu barna og ungmenna samþykkt

Eftir hvaða hugmyndafræði starfar Strætó?

All sérkennileg ákvörðun - á sama tími og rætt er um mikinn umferðaþunga og skort á starfsfólki í umönnunarstörf.  Það virðist vera stefnan að gera almenningssamgöngur það lélegar, að við verðum öll "sammála" um að leggja þær niður - þær virki hvort sem er ekki!

Gæti það ekki áhugaverð tilraun að fjölga ferðum á höfuðborgarsvæðinu og bjóða þjónustuna ókeypis og sjá hvað gerðist? Það væri forvitnilegt að fá að heyra í þeim aðilum sem tóku þessa ákvörðun - svona "lausnir" detta ekki af himnum ofan!

Geta ekki lengur heimsótt aldraða aðstandendur sína

Af hverju ætti að ná í lögregluna - núna?

Skil nú ekki alveg þessa frétt! Af hverju þarf að ná í lögregluna vegna þessa máls? Hefði ekki verið nær að ná í lögregluna þegar menn tóku fyrstu skóflustunguna að álverinu? Þá var sannanlega ætlunin að valda skaða á náttúru landsins!

Mótmælendur við álver Alcoa-Fjarðaáls í Reyðarfirði

Þétting byggðar - fyrir hvern?

Hvernig á að byggja og hvar er spurning um smekk - og hagsmuni. Ég er sammála ungum jafnaðarmönnum í Hafnarfirði - og tel að háhýsi eigi ekki erindi á þessum stað í bænum. Það er alveg ljóst að mikill skuggi mun verða af húsinu á lágreistu byggðina í miðbæ Hafnarfjarðar.   

Oft er talað um mikilvægi þéttingu byggðar - og get ég tekið undir það sjónarmið að hluta, en því miður fæ ég stundum það að tilfinninguna að hún snúist um að fá sem mestan hagnað af þeirri lóð sem í boði  er - en ekki umhverfis - og samgöngusjónarmið.

Hagsmuna hverra ætlar bæjarstjórn Hafnarfjarðar að gæta?

 

Ungir jafnaðarmenn í Hafnarfirði leggjast gegn byggingu háhýsis